دهاليز القصص و الحكايات

  الفصل الأول "رجعت من الشغل... لقيت راجل غريب واقف في أوضة نومي، بياخد مقاسات الاوضة وكأنه صاحب المكان و أول ما صرخت فيه: "إنت مين؟" بصلي باستغراب وقال:  "هو الأستاذ كريم مقالش لحضرتك إنه باع الشقة؟" وقفت مكاني، وحسيت إن رجليا مش شيلاني بصيتله وبعدين بصيت لأوضة نومي... السرير اللي اختارناه سوا، والدولاب اللي فضلنا شهرين نجمع تمنه، والستاير اللي كنت فرحانة بيها أكتر من أي حاجة. قولتله بصوت مهزوز: -حضرتك بتقول إيه؟ مد إيده بورقة وقال: -أنا آسف إنك عرفتي بالطريقة دي، بس أنا اشتريت الشقة من الأستاذ كريم، وجيت آخد المقاسات قبل ما أنقل العفش. خدت الورقة من إيده، وأنا حاسة إن نفسي بيتقطع. كان مكتوب فيها اسم جوزي... كريم محمود. مقدرتش أكمل قراءة و طلعت موبايلي بسرعة واتصلت بيه. رد بعد رنة واحدة. -أيوة يا سارة. -كريم .. في راجل واقف في شقتنا بيقول إنك بعتهاله .. قولي إن فيه سوء تفاهم ارجوك. سكت ثواني. وبعدين قال بهدوء غريب: -لا يا سارة مفيش سوء تفاهم و لا حاجة ... أنا بعتها فعلًا. حسيت كأن فى جردل مية ساقعة اتكب فوقي -بعتها؟! من غير حتى ما تقولي؟ -لما أرجع هنتكلم. وقفل...

"فاضل أسبوع على طلاقي... والنهارده عرفت إن جوزي رايح يشوف عروسة." وقفت مكاني وأنا ماسكة كوباية القهوة. يمكن سمعت غلط. يمكن كانوا بيتكلموا عن حد تاني. لكن صوت حماتي كان واضح. "البنت محترمة، وبنت ناس، والفرح ممكن يبقى بعد الطلاق على طول." ضحكت... غصب عني ضحكة مالهاش أي علاقة بالفرحة. أنا أصلًا اتجوزته بعقد لمدة سنة و إحنا الاتنين اللي حددنا معاد النهاية. يبقى زعلانة ليه؟  و بعدها دخلت الصالة كأني مسمعتش اي حاجة. ......... يوسف كان لابس قميص أبيض وواقف قدام المراية بيظبط الساعة. أول ما شافني، قال وهو بيبتسم: "صباح الخير." ابتسمت بالعافية. "صباح النور." أخد كوباية القهوة من إيدي. "إيه؟ شكلك نمتي متأخر." "شوية." و بعدها قعدنا على السفرة نفطر . "هتتأخري في الشغل النهاردة؟" "لأ العادي" ولا كلمة زيادة. ولا كلمة أقل. اتعودنا على كده من أول الجواز. احترام. هدوء. حدود. يمكن دي كانت المشكلة. ... فلاش باك من سنة... "مستحيل." كانت أول كلمة خرجت مني. يوسف كان قاعد قدامي في مكتب المحامي، ومش رافع عينه من الأرض. ا...